呢場「疫境」波 一齊撐落去！保持強大嘅身心健康呀！
香港人抗疫接近一年，大家難免會出現抗疫疲勞。但衛生署表示第四波疫情已深入社區，相信會較第三波更嚴峻！喺疫情回落之前，大家最好都係盡量留喺屋企抗疫。
面對呢場「疫境」波，除咗保持個人衛生及增強身體免疫力，包括維持均衡飲食、足夠睡眠、同適量運動，最緊要係照顧好自己個心呀！面對疫情可能會有壓力，不妨深呼吸、休息一下，多關心身邊人。適量閱讀新聞及疫情消息，進行合適嘅消閒活動及運動，齊心抗疫，保持自己心情輕鬆。
如果有需要，可以考慮聯絡香港紅十字會心理支援服務 shallwetalk。預約：5164 5040 (WhatsApp) 或 @ hkrcshallwetalk (Telegram)。
資料轉載自「香港紅十字會 」