親子伴讀技巧

https://www.facebook.com/chineseymcahk/photos/a.262930726845/10157377648661846/?type=3&theater

雙職家長日出而作，日入而息，每日陪伴仔女嘅時間實在唔多，若然能夠每日抽15至20分鐘作親子伴讀，絕對有助增進親子關係，亦能培養仔女對閱讀的興趣。本會佐敦會所助理主任幹事袁惠儀話，父母揀書時當然先顧及仔女意願，選擇孩子喜愛嘅讀物，家長亦要先做功課，預先閱讀一遍，伴讀時間自然更稱心滿意。

伴讀期間，家長除咗朗讀故事內容外，亦可以叫仔女一齊讀，甚至與子女以對話方式朗讀。家長們伴讀期間記得要專心、投入，唔好一心二用，邊睇手機邊講故事，當遇到孩子不懂讀的字，家長應先讓子女想一想、鼓勵他們猜測字詞嘅讀音，若孩子在五秒鐘內仍未讀出該字詞，家長根據字形或句子的意思給予提示，若然孩子經過嘗試後能夠出該字詞，家長加以讚賞，從而提升孩子的成功和滿足感。

資料轉載自「香港中華基督教青年會」