香港紅十字會【疫後回校小貼士】

 

開咗學啦！唔同嘅班級喺4月至5月逐步恢復面授課程，唔知各位同學仔過成點呢？習唔習慣呢？因為疫情影響，咁耐無親身見到其他同學仔同老師，會唔會有啲興奮，但又有啲唔習慣，甚至擔心呢？大家記得要畀時間同空間自己去慢慢適應同調節。遇到困難嘅時候，亦都可以同信任嘅人傾訴呀～

各位家長同老師記得要陪喺同學仔身邊，協助佢哋適應，因為佢哋有機會感到壓力同不安，同時家長同老師亦都要好好照顧自己嘅情緒。

#香港紅十字會 希望陪伴大家渡過呢段時間，準備咗一啲 #心理支援 小貼士，陪住大家一齊愉快重返校園！如果同學、老師 或家長需要情緒支援，可以聯絡我哋嘅心理支援服務 #shallwetalk，等我哋同你分擔一下情緒需要。預約：5164 5040 (WhatsApp) 或 @ hkrcshallwetalk (Telegram)。想了解自己嘅情緒狀態，亦可以做吓呢個小測試：https://bit.ly/2WAkenv。