衞生防護中心【安老院舍：減低感染或散播傳染病風險💡】

近日疫情急劇變化，為減低感染或喺安老院舍散播傳染病嘅風險，員工喺工作時，應該根據護理程序嘅風險、院友嘅身體狀況，以及傳染病嘅傳播途徑，使用適當嘅個人防護裝備以保障自己同院友嘅安全。

 

安老院舍應儲備適當同足夠嘅個人防護裝備同消毒物品。

員工需要時應穿上合適嘅個人防護裝備：包括口罩、保護衣、 手套、眼罩或全面罩和保護帽；而院友應在可行嘅情況下佩戴外科口罩。

保持院舍室內空氣流通！

 

應保持雙手清潔，接觸院友或處理呼吸系統分泌物後，應立即以正確方法潔手。

增加環境清潔次數，並以1比99稀釋家用漂白水（將1份含5.25％次氯酸鈉嘅家用漂白水同99份清水混和）消毒經常觸摸嘅表面。

院友用過嘅物件要妥善清潔同消毒。

 

觀察院友同員工有無傳染病嘅症狀，定期為佢哋量度體溫。

如懷疑院舍有傳染病爆發，院舍主管或感染控制主任應盡快通知「 衞生防護中心中央呈報辦公室」同「社會福利署安老院牌照事務處」，並採取衞生防護中心建議嘅預防措施，避免傳染病擴散！