社區互助：將愛心送上屋企

https://www.facebook.com/hkCFSC/posts/2604375866486560

前日我哋基督教家庭服務中心賽馬會新屋邨支援計劃（深水埗）嘅同事收到獨居兼患有糖尿病嘅于婆婆求助，因為佢剛剛由內地返港，需要進行家居隔離14日，而屋企糧食不足，幾天後才有安排。而佢又有衛生意識，知道自己要乖乖留在家，所以一路好擔心唔夠糧食。
遠親不如近鄰，社工隊在群組向同座嘅街坊「求救」，睇吓有冇人可以幫下手。婆婆只需買3個薯仔、3棵西蘭花和3個橙。街坊們秒回：
A街坊：「冇問題！我搵阿仔落去買！」
B街坊：「我屋企有米和米粉！婆婆啱唔啱食？我攞落去俾佢！」
C街坊：「我買多咗生菜蕃茄，可以送去佢屋企。」
接踵而來嘅回應💬令社工隊感動，于婆婆更感動。疫症持續一個多月，眼見街坊們一直互相扶持，互相支援，由上月佢地幫手買口罩、上星期一齊團購厠紙🧻，到今次嘅「將愛心送上屋企」，真係好欣賞呢班街坊！社區互相守護，共勉之！

資料轉載自「基督教家庭服務中心」