【確診咗，喺屋企等候安排期間有咩要注意？】

近日唔少人收到核酸檢測陽性通知後，要等一段時間先獲安排入院或入住隔離設施。確診咗又要喺屋企等消息，期間有咩需要注意？點樣降低同住家人被傳染嘅風險？

概括而言，無病徵或輕症人士只需要密切留意身體狀況，做好個人防護同保持家居衛生；期間如有醫療需要，尋日我哋都有提到可以去「確診個案指定診所」求醫。提提大家，由今日起，預約指定診所之後，可以透過電話或網上預約埋確診輕症患者嘅免費專用的士，安全前往求診。

不過，萬一喺屋企等候期間出現嚴重病徵，就要立即召緊急救護車入院！