【「安心出行」推出3.2.0版本配合「疫苗通行證」第二階段推行及支援「康復紀錄二維碼」】

「疫苗通行證」將於4月30日進入第二階段，市民今日（4月19日）起可通過電子疫苗接種及檢測紀錄系統(https://www.evt.gov.hk/)、「智方便」或「醫健通」流動應用程式領取「康復紀錄二維碼」。

為配合上述安排，資科辦今日推出「安心出行」3.2.0版本流動應用程式。新版本顯示使用者是否符合第二階段的接種要求，並支援儲存「康復紀錄二維碼」。

市民可以喺新版本嘅「安心出行」同時儲存電子針卡、醫學豁免證明書及康復紀錄，亦可選擇其中之一作為預設顯示嘅「疫苗通行證」。市民掃描場地二維碼後，進入場所頁面會自動顯示預設嘅「疫苗通行證」二維碼，並且用藍色同紅色框框顯示該紀錄是否符合「疫苗通行證」嘅要求，方便市民喺進入該處所時向處所管理人展示。

想知點樣喺新版本「安心出行」加入康復紀錄同埋設定預設顯示，快啲去睇下下面嘅影片啦！
https://www.facebook.com/watch/?v=5059198947452372

新版本亦加入「撤銷場所功能」，如果用戶掃描咗已取消咗嘅場地二維碼，程式會提示用戶，亦唔會紀錄相關出行。

如果想使用新功能，就記得更新到最新版本啦！市民可以直接於應用程式商店（即iOS App Store, Google Play 或華為AppGallery）更新「安心出行」應用程式到最新版本，係唔洗重新安裝程式嘅，原有嘅出行紀錄亦會繼續保存。

我哋不斷為「安心出行」加入新功能，令個APP更方便好用。多謝市民對「安心出行」嘅支持同肯定，希望大家繼續善用「安心出行」，同心抗疫。

資料來源：政府資訊科技總監辦公室