親切《陪您在家抗疫活動包》送「樂」行動

親切《陪您在家抗疫活動包》送「樂」行動
分享

親切《陪您在家抗疫活動包》送「樂」行動😄第一站送「樂」到居住特殊學校宿舍小朋友手上!停課至今將近4個月,特殊需要小朋友要留家抗疫,日常學習、課外活動都要暫停。為令有特殊需要嘅小朋友喺屋企都可以快樂學習及遊戲,親切發起《陪您在家抗疫活動…

Posted by TREATS 親切 on Friday, May 15, 2020

第一站送「樂」到居住特殊學校宿舍小朋友手上!

停課至今將近4個月,特殊需要小朋友要留家抗疫,日常學習、課外活動都要暫停。為令有特殊需要嘅小朋友喺屋企都可以快樂學習及遊戲,親切發起《陪您在家抗疫活動包》送「樂」行動 #HappinessIsSharing ,邀請企業伙伴贊助防疫及遊戲物資,再由親切團隊送「樂」畀特殊需要小朋友!

今日第一站親切嚟到余李慕芬紀念學校宿舍,小朋友收到親切《陪您在家抗疫活動包》好開心、急不及待想即刻開嚟玩,鍾意畫畫嘅麗華仲立即幫親切送「樂」嘅姐姐畫素描,即場分享快樂。余李慕芬紀念學校宿舍家長主管連姑娘坦言,為咗同學嘅健康,停課時期多數都會留喺宿舍活動,同學都好想出去玩。喺復課之前,相信同學都會暢玩《陪您在家抗疫活動包》入面嘅新遊戲,增加同學之間嘅互動、溝通。

親切總監湯崇敏(Kris)表示:「感謝企業伙伴支持親切《陪您在家抗疫活動包》送『樂』行動, 希望呢個行動不單只係送物資活動,更重要係將在家快樂活動嘅精神傳遞畀特殊需要小朋友同佢哋嘅家庭。」

*親切特別鳴謝企業伙伴摩根士丹利Morgan Stanley贊助送到余李慕芬學校宿舍的《陪您在家抗疫活動包》。

閱讀更多

資料轉載自「親切」