衞生防護中心【流感疫苗知多啲：年滿6個月至未滿12歲兒童可以喺邊度接種流感疫苗？】

6個月大或以上嘅兒童，如果未能夠喺小學、幼稚園、幼兒中心接種 #流感疫苗，咁家長可以帶佢哋去邊度接種呢？

#疫苗資助計劃 為年齡介乎6個月至未滿12歲(或小學生)嘅香港居民兒童提供資助接種流感疫苗！家長可以瀏覽醫健通(資助)網站，搵參加疫苗資助計劃嘅私家醫生診所預約； 又或者留意就近嘅私家醫生診所門口，如有一個紫色同綠色「2021/22疫苗資助計劃」嘅標記，就代表診所有參與疫苗資助計劃，合資格嘅人士可以直接向診所查詢。

為確保對季節性流感產生足夠的免疫力，凡 9 歲以下從未接種過季節性流感疫苗嘅兒童，建議喺 2021-22 季度應接種兩劑季節性流感疫苗，而兩劑疫苗嘅接種時間至少相隔 4 個星期。

去呢度重溫點樣用醫健通(資助)搵私家醫生預約喇：

提一提，現時建議接種流感疫苗同新冠疫苗之間應相隔最少14日㗎。